Bibelen i liturgien: Markus 10,13–16 som “den liturgiske bibelteksten”

Sammendrag

Artikkelen undersøker korleis Markus 10,13–16 får meining som ein liturgisk tekst. Omgrepet «den liturgiske bibelteksten» synleggjer at bibelteksten som vert gjengjeven i dåpsliturgien kan seiast å vere ein annan enn bibelteksten som står i Bibelen. For bibelteksten vert forma gjennom eigne utsnitt og paratekstar, tekstkoplingar i liturgien og gjennom rituell iscenesetting.

Målet med studien er å undersøke korleis brukskontekstens materialitet, i dette tilfelle i liturgien for barnedåp, formar bibeltekst og teksttolking. Spørsmålet eg stiller er: Korleis formar dåpsliturgien Mark 10,13–16? Hovudmaterialet utgjer Den norske kyrkja sine dåpsliturgiar, frå slutten av 1800-talet og fram til i dag. Artikkelen viser korleis Mark 10 får meining i samspel med luthersk dåpsteologi og den kulturelt etablerte forteljinga om Jesus og barna, noko som i neste omgang får konsekvensar også for bibelomsetjingane.